IslamikSite is a platform dedicated to providing authentic Islamic knowledge in simple and easy Roman English. Our aim is to help readers understand Islamic teachings clearly through reliable information based on the Quran and authentic Hadith.
On this website you can explore Quran ayat, Surah with translation, Islamic quotes, Asma ul Husna images, Islamic quizzes, Islamic videos, and educational Islamic articles designed to make learning about Islam easier and more engaging.
We also provide useful Islamic tools such as a complete Quran reader, Ramadan resources, and other helpful features that support learning, reflection, and daily Islamic guidance.
Our Mission: To make reliable Islamic knowledge accessible to everyone while encouraging learning based on the Quran and authentic Hadith.
KYA HAMARA ROZA HAQEEQAT MEIN MUKAMAL THA? Ramadan Ka Khud Jaiza (Self-Assessment) - Qur'an aur Sahih Hadees ki Roshni Mein
📝 Pehli Zaroori Baat:
⚠️ Ye post sirf ilm hasil karne ke liye hai. Hum ye nahi kehte ke kis ka roza qabool hua ya nahi – yeh faisla sirf Allah Ta'ala ke haath mein hai. Aap jitne chahe ibadat karen (30 roze, Taraweeh, Quran, dua), phir bhi nahi keh sakte ke Allah Ta'ala ne aapke ibadat qabool ki. Niyyat aur qubooliyat ka maamla sirf Allah aur uske banday ke darmiyan hai.
📊 Apne Roze Ka Self-Assessment Karen
Neeche diye gaye charts se milta julta check karen ke aapke roze mei kaun se "positive actions" hue aur kaun se "negative actions". Ye sab Qur'an aur Sahih Hadees ki roshni mein hain.
✅ WO KAAM JO KARNE CHAHIYE THE (Sunnah & Mustahabb) Farz to FARZ hai
"Jisne kisi rozedaar ko iftar karaya uske liye barabar sawab hai." (Sunan at-Tirmidhi 807)
Sehri/Iftar waqt ki Dua
☐ Haan ☐ Nahi
"Rozedaar ki iftar ke waqt dua radd nahin hoti." (Sunan Ibn Majah 1752)
Akhri 10 Raaton Mein Itikaf
☐ Haan ☐ Nahi
"Nabi ﷺ Ramadan ke aakhri 10 din Itikaf karte the." (Sahih Bukhari 2025)
Lailat-ul-Qadr Ki Talash
☐ Haan ☐ Nahi
"Lailatul Qadr ko Ramzan ki aakhri 10 raaton me talash karo." (Sahih Bukhari 2020)
Tauba (Gunahon ki Maafi)
☐ Haan ☐ Nahi
"Har insaan khata kaar hai, aur behtareen khata kaar wo hain jo tauba karte hain." (Jami` at-Tirmidhi 2499)
❌ WO KAAM JO NAHI KARNE CHAHIYE (Mufsidaat-e-Roza)
Cheez
Kiya?
Hadith
Din Bhar Sona (Aaram Karna)
☐ Haan ☐ Nahi
"Rozedaar raaton ko jagta hai aur din me bhi kuch karne ki koshish karta hai." (Ibn Majah)
Jhooth Bolna
☐ Haan ☐ Nahi
"Jisne jhooth bolna aur us par amal na chhoda, Allah uska roza iske bawajood nahin chahta." (Sahih Bukhari 1903)
Gheebat (Backbiting)
☐ Haan ☐ Nahi
"Roza ek dhaal hai, to jab tum rozedaar ho to behuda baat na karo." (Sahih Bukhari 1904)
Gaali-Galoch Karna
☐ Haan ☐ Nahi
"Jab tum rozedaar ho, to bhasha par ghalat alfaaz mat kaho." (Sahih Bukhari 1894)
Jhagda (Jahalat)
☐ Haan ☐ Nahi
"Roza ek dhaal hai, to jab tum rozedaar ho to behas aur jhagda nahin karna." (Ibn Majah)
Gunahon ki Taraf Deekhna
☐ Haan ☐ Nahi
"Nigaah shaitaan ke teer mein se ek teer hai." (Jami` at-Tabarani)
Waqt Zaya Karna (Faaltu Kaam)
☐ Haan ☐ Nahi
"Bahut se rozedaar aise hain jinhen roza (sirf bhuk-pyaas) ke siwa kuch hasil nahin hota." (Sunan Ibn Majah 1690)
Maa-Baap Ko Dukh Pahunchana
☐ Haan ☐ Nahi
"Maa-baap ki nafarmaani karna kabira gunah hai." (Sahih Bukhari)
Riya (Dikhawa) Karna
☐ Haan ☐ Nahi
"Allah farmata hai: Jo neik amal riya se kiya, usay main hawale kar deta hoon." (Sahih Muslim)
Gussa Karna
☐ Haan ☐ Nahi
"Mazboot wo nahin jo ghusse par jeet ta hai, balki wo mazboot hai jo gussa aane par apne aap par qaboo rakh sake." (Sahih Bukhari)
Fuzool Baatien Karna
☐ Haan ☐ Nahi
"Insaan ki taraqee ki nishani hai ke wo fuzool baat chhod de." (Jami` at-Tirmidhi)
🧮 Aapka Roza Kitna Complete Hua?
Above di gayi checklist se:
✅ Positive Points: Jitne ✔️ kaam kiye, utne points
❌ Negative Points: Jo ❌ hue unse points minus kar dein
Aapka Score Range:
0-30%: Sudhaar ki Zaroorat31-60%: Behtar ki Gunjaish61-80%: Bohat Acha81-100%: Qubooliyat ki Dua
⚠️ RAMADAN MEIN 3 QISME KE LOG JIN PAR LANAT/ZALIL/TABAH/BARBAD BHEJI GAI
Hadith: Nabi ﷺ ne farmaya:
Wo aadmi jo Ramzan ka mahina paye aur uske gunah maghfirat na hon. (Sunan at-Tirmidhi: 3545)
Wo aadmi jiske maa-baap budhape mein ho aur wo unki khidmat na kare. (Sahih Muslim: 2551)
Wo aadmi jiske paas Nabi ﷺ ka zikr aaye aur usne durood na bheja. (Sunan at-Tirmidhi: 3545)
👁 Sabaq: Agar Ramzan me hain, maa-baap zinda hain, magar hum unki khidmat nahi kar rahe, to kya hum apne roze ko qubool hone ke qareeb mehsoos kar sakte hain? aur jisme magfirath nahi kar karai. dua nahi ki Ramadan ka Haq Ada nahi Kiya.
🔥 SIRF BHOOK-PYAAS KA ROZA - SIRF SAWAAB NAHI
Hadith: Nabi ﷺ ne farmaya:
"Bohot se rozedaar aise hain jinhen apne roze se bhook ke siwa kuch hasil nahi hota, aur bohot se raat ke qayam karne walon ko unki raat ke jagne se ilawa kuch hasil nahi hota." (Sunan Ibn Majah 1690)
Matlab: Agar hum roza rakhte hue jhooth bol rahe hain, ghibat kar rahe hain, ya akhlaq bigaad rahe hain, to hum sirf bhook aur pyaas ka hi Mahesus karenge, asal ajr nahin milega. Aam Zindagi me Hum Waise hi Ibadato se Dur Rahte Hain. ramadan me bi agar Ibadathein Nahi Namaze Nahi to Kiya Hum Sirf Bukhe Pyase Rahe Kar Ye Gaflat me Rahna Chaiye ki Hamare Roze Qubul Hore ?
👥 DO AURATON KA WAQIA - ZABAN KI AHMIYAT
Hadith: Hazrat Abu Hurairah (RA) se riwayat hai ke ek sahabi ne poocha:
Ek aurat bohot namaz padhti hai, roza rakhti hai, tahajjud padhti hai, sadqah karti hai...lekin uski zuban buri hai, padosiyon ko takleef deti hai. Dusri aurat kuch nafl ibadat nahi karti, sirf farz ada karti hai - lekin dil se apni zuban ki hifazat karti hai.
Nabi ﷺ ne farmaya:
"Jiski zuban achi hai, wo jannati hai." (Musnad Ahmad 9675, Sahih)
Matlab: Kitni bhi namaz, roza, tahajjud aur nek kaam kar lo...agar hum apni zuban se logon ko dukh dete rahenge, to jannat pahunchna mushkil hai. Zuban ki saafgi hamari ibadat ki rooh hai.
🕌 EK SAHABI KI NAMAZ - KHUSHU AUR ITMINAAN
Hadith: Ek din ek sahabi ne jaldi jaldi namaz padhi. Jab wo Nabi ﷺ ke paas phir gaya, Nabi ﷺ ne farmaya:
"Jao, namaz dobara padho, tumne abhi namaz nahi padhi." (Sahih Bukhari 793; approximate translation)
Baar baar(3 bar) aisa hone par sahabi ne poocha ke namaz ka sahi tarika bata dein. Nabi ﷺ ne farmaya:
"Jab namaz ke liye khade ho to Allahu Akbar kahe, phir Quran me se jo aasan surah ho (jis par aap mahir ho), itminan se ruku karein, phir sukoon se sajda karein..."
Sabaq: Ye waqia humein batata hai ke namaz mein jaldbazi ki bajaye sukoon aur tawajjo se ada karein. Aaj hum kitni dafa namaz bina tawajjo ke ada karke nikal jaate hain? Kya aisi namaz qubool hogi?
🌙 SAHABA KA RAMZAN - KYA THA UNKA ANDAZ?
Hadith: Hazrat Abdullah ibn Umar (RA) se riwayat hai ke unhon ne farmaya:
"Sahaba Ramzan mein din bhar roza rakhte, raaton mein Quran padhte, Allah se dua karte. Unka kaam bhi chalu rehta tha, lekin wo apne kaam ke darmiyan Allah ka zikr nahin bhoolte the."
Matlab: Sahaba roze ke dauran bhi apna kaam karte the, magar unka dil hamesha Allah ke saath tha. Ibadat ko duniya kaam se alag karna nahi chahiye; sacchi niyyat se kiya gaya kaam bhi ibadat ban jata hai.
💭 SAB KAAM NIYYAT PAR MUKTAR HAI
"Aamal ka daromadar niyyat par hai." (Sahih Bukhari)
Niyyat wo baat hai jo aap aur Allah ke darmiyan hoti hai. Allah ke Paighambar ﷺ ne bataya ke hamare aamal unki niyyat se jode hotey hain. Shayad Allah ne aapka roza qabool kar liya ho, ya aapki dua qubool ho gayi ho. Humein kisi par shaq nahin karna chahiye aur na hi kisi ka irada naap sakte hain. Isliye Niyyat Sahi hona Zaruri Hai. aur aapki niyyat sirf aap aur Allah hi jante hain. Agar niyyat me zara si dikhawa ya Logo ko Batane ke liye log kiya kahnge sonch kar Ibadath ya roza ya koi bi kam ho. Wo Allah tala ke nahi hota islye hamesha niyyat Durust honi Chahiye.
"Main apne bande ke guman (umeed) ke saath hoon, aur jab wo mujhe yaad karta hai, to main uske saath hoon." (Hadith Qudsi, Sahih Bukhari 7405)
🕌 TAQWA AUR IBADAT
"Beshak Allah taqwa walon se mohabbat karta hai." (Surah Al-Imran: 76)
Taqwa, yaani Allah ka khauf aur uski pabandi, har ibadat ki bunyaad hai. Jab hum Allah ke hukme par chal kar ghalatiyon se bachne ki koshish karte hain, to hamare roze aur namazon par Allah ki rehmat nazar aati hai. Taqwa par Full Details Quran aur Hadees ke Roshni me Janne ke Liye Yahan Click Kare. View Taqwa Post 👈
"Allah ki taraf se khushu aur sukoon reham hai, aur jaldi karna shaitaan ki taraf se hai." (Abu Dawud)
Matlab: Namaz, roza, aur koi bhi ibadat jaldbazi aur kam tawajjo se nahi honi chahiye. Ye shaitaan ka amal hai. Allah ko wo banda pasand hai jo apni ibadat mein sukoon aur tawajjo rakhta hai.
⚠️ IBAADAT KO BAHANA NA BANAYEIN
Kuch log rozadaari ya namaz ko bahana bana kar duniya ka kaam chhod dete hain:
"Roza hai, kaam nahi karunga /karungi."
"Namaz ka waqt hai, abhi ruk jao."
"Roza hai, aaj toh aaram karenge."
"Main rozedaar hoon, isliye zyada kaam mat do."
"Namaz padhna hai, abhi kaam nahi kar sakta/sakti."
Ye bilkul ghalat soch hai. Ibadat humein mehnat aur kaam se door nahi karti, balki kaam mein barkat deti hai.
Rasulullah ﷺ khud roza rakhte hue kisanon, silai-kadhai, aur apne parivaar ki madad mein masroof rehte. Sahaba bhi aise hi the. Unka har kaam ikhtiyar saaf niyyat ki wajah se ibadat ban jata tha.
⏳ ABHI BHI WAKT HAI!
Ramadan ke aakhri 10 din chal rahe hain. Lailatul Qadr inhi raaton mein hai.
✨ Tauba ✨ Dua ✨ Ibadat ✨
Kya pata aaj raat Allah aapki sadaqat-e-qalbi qubool farmay, aapki tauba qubool ho aur aapka roza namaz qubool hon. Har lamha ki qadr karein.
إِنَّ اللَّهَ يُحِبُّ الْمُتَّقِينَ
"Beshak Allah taqwa walon se mohabbat karta hai." (Surah Al-Imran: 76)
وَمَا تَفْعَلُوا مِنْ خَيْرٍ يَعْلَمْهُ اللَّهُ
"Aur jo bhi bhalaai tum karoge, Allah use jaanta hai." (Surah Al-Baqarah: 197)
📋 FINAL CHECKLIST: KYA AAPKA ROZA COMPLETE HUA?
✅ Karne Chahiye The:
✓ 5 waqt namaz ada ki?
✓ Sehri ki?
✓ Iftar jaldi kiya?
✓ Taraweeh ada ki?
✓ Quran padha?
✓ Sadqa di?
✓ Iftar karaya?
✓ Dua maangi?
✓ Itikaf kiya?
✓ Lailat-ul-Qadr ki talash ki?
✓ Tauba ki?
❌ Nahi Karne The:
✗ Din bhar sona?
✗ Jhooth bola?
✗ Gheebat ki?
✗ Gaali di?
✗ Jhagda kiya?
✗ Gunahon par nazar dali?
✗ Waqt zaya kiya?
✗ Maa baap ko takleef di?
✗ Riya kiya?
✗ Gussa kiya?
✗ Fuzool baat ki?
🤲 Aakhri Soch – Tauba Aur Umeed
Islam humein ek bohot badi umeed deta hai: Tauba ka darwaza akhri saans tak khula rehta hai.
Lekin ek haqeeqat ye bhi hai ke hamari akhri saans kab aayegi – iska ilm kisi insaan ko nahi.
Is liye insaan ko ye nahi sochna chahiye ke:
Kal se ibadat shuru karunga
Agle saal Ramadan me sudhar karunga
Thoda waqt baad tauba karunga
Kyunki maut kisi ko bata kar nahi aati.
Isi liye har lamha insaan ko tauba, dua, niyyat ki islah aur ibadat ki taraf lautna chahiye.
Agar kisi ne mehsoos kiya ke is saal Ramadan ka haq poori tarah ada nahi ho saka, to mayoos hone ki zaroorat nahi.
Allah ki rehmat bohot wasi hai.
Tauba karein, dua karein aur Allah se umeed rakhein ke wo hamari kamiyaan maaf farmaye.
Aur agar Allah ne agla Ramadan naseeb kiya, to InshaAllah zyada behtar niyyat aur zyada ikhlaas ke saath ibadat karenge.
Jaise 5 waqt ki namaz hum par farz hai, waise hi Ramadan ka roza bhi hum par farz hai.
Jab insaan buri cheezon se rukta hai, taqwa ikhtiyar karta hai aur Allah ke hukm ki pabandi karta hai, tabhi Ramadan ka asal maqsad hasil hota hai.
Allah humein taqwa, ikhlaas aur khushu ke saath ibadat karne ki taufeeq ata farmaye.
🤲 Dua
Ya Allah!
Hamari kamzoriyon ke bawajood hamari ibadaton ko qubool farma.
Ya Allah!
Hamari namazon me khushu aur ikhlaas paida farma.
Ya Allah!
Hamare roze ko sirf bhook aur pyaas na bana, balki use taqwa aur maghfirat ka zariya bana.
Ya Allah!
Hamare walidain par apni rehmat nazil farma, unki zindagi me barkat ata farma aur agar wo duniya se ja chuke hain to unki maghfirat farma.
Ya Allah!
Hamare tamam marhoomeen ki maghfirat farma aur unki qabron ko jannat ke baghon me se ek bagh bana de.
Ya Allah!
Poori ummat-e-Muslimah par apni rehmat nazil farma, fitno se hifazat farma aur humein haq par qaim rakh.
Ya Allah!
Hamare momeen bhaiyon aur behno ki mushkilein asaan farma aur unki duaein qubool farma.
Ya Allah!
Humein halal rizq me barkat ata farma, imaan par zindagi ata farma aur imaan par hi maut naseeb farma.
Aur is post ko share karne wale aur padhne wale sab ke liye Es dua me essa ata Farma Aameen.
Allah humein ikhlaas, halal rizq aur imaan par khatma naseeb farma. Aameen.
📢 Is Post Ko Share Karein
Agar aapko ye article faida mand laga ho to ise share karein taake dusre log bhi Ramadan aur roza ke bare me ilm hasil kar saken.
Agar aap kisi Islamic topic par detail article chahte hain to
@islamikinsta par message kar sakte hain.
IslamikSite Family ki taraf se sab bi ko jazakAllah khair.
Aap sab ki duaaon ka talabgaar. 😇
Assalamu Alaikum wa Rahmatullahi wa Barakatuh
InshaAllah jald hi ek naye Islamic topic ke sath phir mulaqat hogi.
🤲 Taqwa Kya Hai? Quran aur Sahih Hadith ki roshni mein
Quran aur Hadith ki roshni mein mukammal guide
📖 islamiksite📸 @islamikinsta
🕒 Calculating...
Islamic article | Quran References | Authentic Hadith
Taqwa aur is ke mukhtalif lafz (ittaqa, muttaqeen, muttaqi) Quran mein 250 se zyada martaba aaye hain. Is ke baghair ibadat adhuri hai. Allah ne Ramzan ka maqsad hi taqwa bataya. Aaiye samajhte hain ke Taqwa kya hai aur Muttaqi kaun hai.
Tarjuma: "Aur jo Allah se dar rakhe, Allah us ke liye nikalne ka rasta bana deta hai. Aur use wahan se rizq deta hai jahan se usse gumaan bhi nahi hota."
🔹 Surah Al-Baqarah (2:197)
وَتَزَوَّدُوا فَإِنَّ خَيْرَ الزَّادِ التَّقْوَىٰ
Tarjuma: "Tum (aakhirat ke safar ke liye) tuhfa le lo, kyunke behtreen tuhfa taqwa hai."
